بالخُْبث

كإهداء إلى كلّ الحركات النسائية - آوت ذير - الوردي منها و الفوشيا :)

ليه ما معبّرني، أنا بَدّي إفهَمْ هلّا

تعْبان بِدّك نَوْمة عم تِتعذبْ، أولّالا

اتطلّع بيّا بوجّي مش هون و هون

يا ابن الحرامْ كُلْ هادْ لَنّي منْ نِسْوِة نونْ

أنا فاهْمِة إنّو فِيك تِلْعَبْ بديلَكْ وينْ ما تكونْ

ما تصَدّقْ إنو عيوني مغطّايِة بالشّيفونْ

ما رَحْ جَمّلْ الحَقيقة شو ما يكون ايكون

جَوْزي بيطّلّع بغيْري والعيبْ مشْ فِيّي أنا



ليكْ، إذا بَدّكْ تاخُدْ عليّي ضُرّة ما عَنْدي مانِعْ

بَسْ كان لازمْ تخبّرني مِن الأوّلْ، سامِعْ

المِشْكِلِة إنّو إنتا مِش بواحدِة بسْ طامِعْ

وَلََكْ ذلّيتْ دينْ أهْلي، بَسْ شو بإيدي طالِعْ



إذا رَحْ ناوي تضل هيك، أنا سايبيتِلّكْ البيت فاضي

آخدِه العيالْ مَعي و الْحَقْني لَعَنْدْ القاضي

بَسْ إنتا بالتأكيد ما رَحْ تجيبا لَبَرّ كالعادِى

تَفكيرَكْ مَنّو قَليل كَوْنَكْ إنّكْ أصلاً سادي



آسْفِة حَبيبي إذا رَجْعان بدّك تنام

و دَخَلِتْ بَعْد العَشا كالعادِى تاخُد حمّام

مِسْتَمتِعْ إنتا لالله، ما عِنْدَكْ إلْمام

إنّو السّشْوار يا عُمْري رَحْ ينْزِلِق لَلْبانيو

هاد الحلّ الأفضل، و الأرملة أحسن من المطلّقة و سأرث الجمل بما حمل